Albisteak-Bloga

Erosketa berdea, Lauaxeta Ikastolan

19-01-2018

Erosketak egiteko orduan, gure erabakiak irizpide edo arrazoi ekonomiko eta teknikoetaz gain, ingurumenerakiko eraginean ere oinarritzen doguzanean,  erosketa berdea egiten ari garela esan daikegu. Zentzu honetan, Lauaxeta Ikastolan erosketa berdea egiten dogu eta gure erosketa erabakiak zentzu honetan bideratzen doguz. Jakin nahi zelan?

Jarraitu irakurtzen.

Hainbat doguz erosketa berdeari lotutako onurak:

  • Ikastolako baliabideak modu eraginkorragoan erabiltzea.
  • Ingurumenarekiko eraginkortasuna eta iraunkortasuna lortzea.
  • Hurrengo urteetan emon beharreko aldaketei egokitzea.
  • Kontsumo eta produkzio ereduak aldatzea.
  • Ondasun ekologikoen merkatua indartzea.

Honetaz gain, Lauaxeta Ikastolaren Plan Estrategikoa, besteak beste  garapen iraunkorrerako Nazio Batuen 17 erronken lorpenagaz bat doa. Eta hain zuzen ere, erronketako 7. eta 12.enak “energia eskuragarria eta ez kutsatzailea izan” eta “ekoizpen eta kontsumo arduratsua”ri erreferentzia egiten deutse.

Zentzu honetan, Lauaxeta Ikastolan, honela kudeatzen doguz erosketa desberdinak, erosketa berdearen arabera, orainarteko lorpenak onartuz eta etorkizunera begira hobetzeko lerroak zehaztuz:

Energia erosketak:

Azken 5 urteotan, Lauaxeta Ikastolan, eraginkortasun energetikoaren aldeko hainbat  neurri hartu doguz. Neurri honeen ondorioz, ikastolaren gas eta elektrizitatearen kostua %47a bajuagoa izatea lortu dogu.

Lorpenak:

  • Azken 5 urteotan erositako elektrizitate guztia barriztagarria izan da.
  • Azken 5 urteotan energiagatik ordaindu doguna %47 gitxitu da. (Kontsumoa gitxituz eta kontratuak barriztatuz)

Egin beharrekoak:

  • Kontsumoa gitxitzeko neurriak hartzen jarraitu.
  • Ahal dogun heinean, geuk energia sortu.
  • Kontzientziazioa lantzen jarraitu.
  • Leihoak aldatzen jarraitu.

Jantoki zerbitzua:

GASCA eta Lauaxeta Ikastolaren artean Bertoko plana martxan daukagu, horrek menuan eskeintzen dirran produktu lokal eta artesanoen portzentaia handiagotuz.

Lorpenak:

  • Janaria ikastolan egiten da.
  • Hondakinen banaketa eta birziklatze kontrolatua gauzatzen da: Rafrinor enpresak kudeatzen dau gure olio erabiliaren bilketa eta birziklapena.
  • Sasoiko lehengaiak erabiltzen dira.
  • Lehengaien  jatorria hurbilduz doa.
  • “Laia” proiektuko ortuariak erosteko konpromisoa.

Egin beharrekoak:

  • Lehengaien jatorria hurbilduz joan, Bertoko Planaren ildotik.
  • Sasoiko lehengaien erabilera gehituz joan.

Teknologi barrien erosketa:

Lorpenak:

  • Ikastolan daukaguzan IKTetatik %80k ingurumen zertifikazioa dauke.
  • Hondakin elektriko eta elektronikoak  Indumental Reciclyng baimendutako kudeatzailearen bidez berziklatzen doguz.
  • Ekipoak hondakin bihurtu orduko, euren ezagugarrietara egokituriko beste erabilera posible batzuk bilatzen doguz.

Egin beharrekoak:

  • Ekipoak hondakin bihurtu orduko euren ezagugarrietara egokituriko beste erabilera batzuk bilatzen jarraitu.
  • 2022an ikastolako ekipo elektriko eta elektroniko guztiak ingurumen zertifikazioa izan dagiala.

Gelako materialen erosketa:

Lorpenak:

  • Testu liburuen erosketa %50 gitxitu da.
  • Erabiltzen doguzan folioak “Ecolabel” ziurtagiria dauke.
  • Erabiltzen dogun gelako gainerako materialaren ek ingurumen ziurtagiriren bat dauka.

Egin beharrekoak:

  • 2020rako erabiltzen dogun gelako materialaren %50ak ingurumen ziurtagiriren bat izatea.

Garbiketa zerbitzua:

Lorpenak:

  • Ikastolan erabiltzen dan zelulosa guztia birziklatua da.
  •  Basura poltsak egiteko erabiltzen dan materiala %86ean birziklatua da.

Egin beharrekoak:

  • 2020rako garbiketarako erabiltzen diran produktu kimikoen %50ak ingurumen ziurtagiria izatea.

Antzerako albisteak

12-06-2018

Arropa bilketa solidarioa

Lerro honeen bitartez, Lauaxeta Ikastolako arropa bilketa solidarioan parte hartu dozuenosi eskerrak emon nahi deutsueguz.

Eskerrik asko!

05-06-2018

Lauaxeta Ikastola, Eskola Jasangarria

Lauaxeta Ikastolak, 2010.ean lortutalo Eskola Jasangarriaren agiriaren barriztapena jaso dau Eusko Jaurlaritzaren eskutik.

Jarraitu irakurtzen.

  • Q de calidad 2001
  • Q de calidad 2003
  • Cooperativa de utilidad pública
  • EFQM
  • Certificado de Escuela Sostenible
  • UNESCO
  • Cambridge English Language Assessment
  • Distinguished Educator
  • Logo heldutasuna IKT
  • Academica diploma dual international studies