Albisteak-Bloga

First Lego League Euskadi: badator!

Datorren otsailak 10 zapatuan, Lauaxeta Ikastolako ikasleak First Lego League Euskadin izango dira. First Lego League, kirol-ekimen formatua daukan nazioarteko txapelketa da eta bere helburua ikasleen artean bokazio zientifiko-teknologikoak, sormen-espiritua eta barrikuntza bultzatzea da.

Aurtengoa, Hydro Dynamics erronka eta helburua, taldeek uraren giza zikloaren inguruan ahalik eta gehien ikastea.  Hau da, ura non eta nola aurkitu, garriatu eta modu egokian erabili. Nola ebatziko da erronka?

Jarraitu irakurtzen.

Hydro Dynamics erronkako partehartzaileek erronka ondoko 3 atalak landuz ebatzi behar dabe:

  • Proiektu zientifikoa: taldeek planteatutako erronkagaz zerikusia daukan arazoa identifikatzen dabe, ikertu, irtenbide bat proposatu eta komunitateagaz partekatzen dabe.
  • Robotaren jolasa: taldeek robot bat diseinatu, eraiki eta programatzen dabe LEGO Mindstorm kita erabiliz. Horrek modu autonomoan misio batzuk osatu beharko dauz jokoan.
  • Balioak: taldeek, egindako lana, FLL balioekaz garatu dala erakusten dabe: inklusioa, ezagutzea, “koopertizioa”, errespetua, taldean lan egitea

Lehiaketa hau, First Lego Leagueri dagokio eta 10-16 urtetako ikasleei zuzenduta dago, baina txikiagoek ere, hau da 6-9 urtetakoek, First Lego League Junioren euren lanak aurkezteko aukera izango dabe. Helburua, adin txikietatik zientzia eta teknologiaren munduan sartzea da.  Benetako arazo baten gainean arakatzen daben bitartean, taldeek makina errazei buruz ikasten dabe LEGO® elementuen eredu bat eraikiz alderdi motordun bat barne.Aldi berean, irudizko poster baten bidez informazioa aurkezten ere ikasten dabe. Kasu honetan ere, esperientzian zehar, taldeak FLL balioen arabera bideratuko dira, ezagutzea, taldean lan egitea eta kortesia profesionala ospatuz. Firts Lego League Junioren kasuan, aurtengo erronka uraren kudeaketan zentratzen da eta Aqua Adventure dauka izena.

Lauaxeta Ikastolatik, asteburu honetan, hainbat ikasle izango dira bai First Lego League eta First Lego League Junior esperientzietan murgilduta izango dirana eta ziur gagoz barneratutako ikasketak baita hainbat izango dirana!

Informazio gehiago:

FIRST LEGO® League

First Lego League Junior

Antzerako albisteak

10-04-2018

Pentsatzen ikastea, erabakikorra

Egunerokoan beharrezkoak diran gaitasunen artean, pentsatzeko gaitasuna garrantzitsuenetarikoa dala uste dogu. Gure pentsatzeko gaitasunaren arabera, erabaki batzuk edo beste batzuk hartuko doguz, honeen ondorioz ekintza batzuk edo beste batzuk gauzatu eta beraz emaitz batzuk edo beste batzuk lortu. Horrela da nagusion kasuan eta horrela baita gure seme-alaba eta ikasleen kasuan ere. Hezkuntzak, ikasleek pentsatzeko gaitasuna erabili dagien aukerak sortu behar dauz, praktikak berak bait dakar gaitasunaren garapena.

Ildo honetatik doa Lauaxeta Ikastolako ikasle batzuek Rober Swartz doktorea eta del NCTT, The National Center for Teaching Thinkingen zuzendaria danagaz garatu daben formakuntza.

Jarrairu irakurtzen.

22-03-2018

Etorkizunerako erabakiak hartzeko hausnarketak

Eta nagusitan zuk, zer izan nahi dozu? Galdera hori egiten deutsegu sarritan gure seme-alaba eta ikasleei txiki-txikitatik. Batzuek, ideiaren bat darabile jadanik euren asmoetan, beste batzuk, galduta dabiz. Izan ere, adinak ekartzen dau sarritan norbere zaletasunenganako argitasun gehiago.

Honetan laguntzeko, orientazioaren inguruko proiektu bi garatu doguz Lauaxeta Ikastolan, DBH 4. eta Batxilergoko 2. mailan. Euren etorkizunagaz lotutako erabakiak hartzeko momentuan dagozanean hain zuzen: batxilergo modalitatea dala edota batxilergo ondorengo ikasketak dirala.

Irakurri gehiago.

  • Q de calidad 2001
  • Q de calidad 2003
  • Cooperativa de utilidad pública
  • EFQM
  • Certificado de Escuela Sostenible
  • UNESCO
  • Cambridge English Language Assessment
  • Distinguished Educator
  • Logo heldutasuna IKT
  • Academica diploma dual international studies