Albisteak-Bloga

Ongi etorriak ikasturte barrira

04-09-2015

Alde batetik ikaskide barriak  ikusteko ilusioaz eta bestetik oporretako jarduna atzean itzi beharraren penaz hasten dogun ikasturte barri honetara, ongi etorriak!

Edozein aldaketak eragiten dituan ezbaiak planteatuz Lauaxetara lehenengoz datozen familiei agur berezi bat eskeini nahi deutseet. Izan zaitezee ongi etorriak eta ez izan dudarik zuen seme-alabeen tutoreei edozein zalantza argitzeko laguntza eskatzeko orduan. Aldi berean, ziur nago ibilbide luzeagodun esperientzia daben familiak gogotsu jardungo dabela zuon integrazioa errezten.
 
Umerik txikienen ama eta aitei zuzendu nahi neuke bereziki. Ikastetxeko erritmoetara lehen aldiz urtetxo bigaz edo bi horreek bete barik etortzen diran umetxoak.  Gurasook umeak eurak baino urduriago zagozeela esango baneu, ez neukela hutsik egingo uste dot. Gure esperientziak dino ahal dozuenik eta lasaien jokatu behar dozuela momentu honetan. Guzurra dirudi baina eskolaratze hau euren garapen pertsonalean beste pauso bat baino ez da, lehentxoago oinez egiten ikastea edo solidoak jaten ikasi ebenean moduan gaindituko dabena.
 
Erronka honeek eta beste batzuk ere, zuon seme-alaben garapen pertsonalaren prozesuan lagunduko deutsuegun Lauaxeta Ikastolako pertsona guztiekin partekatuko dozuez.
 
2015-2016 ikasturtea hasi eta beronen amaiera arte, familia-ikastola ekipoa osotu behar dogu, gure ikasle guztiek euren gaitasunei eta eguneroko ahaleginaren eraginari balioa emon dagien eta honetan oinarrituz, ikasturteko helburuak lortu dagiezan, bidean sortu daitekezan zailtasunei aurre eginez eta eurentzako eta gizartearentzako etorkizun hobeago bat eraikiz.
 
ONGI ETORRIAK! Animo aurten ere,  danon artean lortuko doguz eta helburuak.

Antzerako albisteak

21-09-2018

Asteburu on!

Oporraldiko egunak atzean itzi eta ikasleak goiz eta arratsaldez etorri diran lehenengo aste hau gaindituta, Lauaxeta Ikastolatik, asteburu on opa deutsuegu guztioi!

10-09-2018

2018-2019 ikasturtea: aurrera!

Eta gaurkoan, hasi dogu iada 2018-2019 ikasturtea. Emozioz beteriko eguna: ikastola eta ikaskideekaz lehen kontaktuak kasu batzuetan, aspaldiko lagunekaz alkartzea besteetan, gelakide barriak edo irakaslea kasu batzutan, eraikuntzaz aldatzea, liburu barriak, ... eta batez ere, ilusioak, erronkak eta garapena aurretik.

Ikasturte barri on guztioi!!!!

Gure buletinean harpidetu

  • Q de calidad 2001
  • Q de calidad 2003
  • Cooperativa de utilidad pública
  • EFQM
  • Certificado de Escuela Sostenible
  • UNESCO
  • Cambridge English Language Assessment
  • Distinguished Educator
  • Logo heldutasuna IKT
  • Academica diploma dual international studies