Albisteak-Bloga

Lauaxeta Ikastolako bost ikasle, estatu mailan Nazio Batuen eredua isladatzen dauan ekitaldian izango dira

UNESMUNen III topaketaz ari gara, Unesco sarearen partaide diran ikastetxeen estatu mailako lehiaketa hain zuzen, Nazio Batuen protokoloa isladatuz, datozan apirilak 13, 14 eta 15ean Cordoban ospatuko dana.

Jarraitu irakurtzen.


Topaketa honetan, UNESCO sarearen partaide diran estatu mailako ikastetxeetako  4. DBH eta 1. Batxilergoko ikasleak alkartuko dira, Lauaxeta Ikastolako ikasleak, Euskadiko ordezkari bakarrak izanik.

UNESMUN, ekintza hezitzaile-kultural bat dogu. Bertan, gazteek, Nazio Batuen protokoloa jarraituz eta mundu mailako herrialde bat ordezkatuz, gizakiontzako funtzeskoak diran gaien inguruan aritu eta negoziatzen dabe. Ikastetxe bakoitzak hain zuzen, herrialde batetako delegazio diplomatikoaren funtzioak egingo dauz eta ekitaldian gauzatzen diran debate eta negoziazio desberdinetan dagokion herrialdearen posizioa defendatu behar dau. Horretarako, ikasleek, aurreko hilabeteetan, antolakuntzak esleitutako herrialdearen, gaiaren eta Nazio Batuen protokoloaren inguruan ezagutzak landu behar dabez.

Zuriñe García, Sheila San Miguel, Irune Elordui, Maialen Bellista eta Nerea Sainz de Baranda izango dira, Euskaditik, esperientzia honetan murgilduko diranak. Bost ikasleak, euren ponentzietan Brasilen azalean jarriko dira, Zuriñe eta Sheila “Herrialdeen autodeterminazio eskubidea”ren inguruan arituko dira, eta Irunek, Maialenek eta Nereak, aldiz, “ONU eta emakumeak:  indarkeria matxista gabeko mundu bat eraikiz. Feminizidioaren aurka” gaia landuko dabe. Gaurkotasun handiko gaiak, zalantza gabe. Euren ponentzietan, Nazio Batuen  debate eta bere bi organuren funtzionamenduaren dinamika isladatuko dabe: Asanblea Orokorra eta ONU-Emakumeen Batzorde Exekutiboa.

Parte hartzaile gazteentzako hainbat ikasketa barneratzen dauzan esperientzia, zalantza Gabe: argumentazioa, oratoria, gizartearenganako sentikortasuna eta gizartea eraldatzeko konpromiso eta ekintzailetza, besteak beste.

Informazio gehiago:  http://unesmun.cve.edu.es

Antzerako albisteak

14-09-2018

Lauaxetako ikasle bi, Open Sciencen, euren lanak aurkezten

Jone Erauskin eta Naia Bilbao, Galizian ospatzen dan Open Science feria zientifikoan dagoz asteburu honetan, airearen kutsaduraren inguruan garatu daben ikerketa lanaren ondorioak aurkezten.

Jarraitu irakurtzen.

14-09-2018

Lauaxeta Ikastolako ikasle bi, Ciencia Show monologo zientifikoen finalean

Estibaliz Zubimendi eta Nerea Saez de Baranda, Lauaxeta Ikastolako Batxilergoko ikasleak, Ciencia Show monologo zientifikoen finalean izan dira aste honetan, euren monologoa taulagainean aurkezten.

Jarraitu irakurtzen.

Gure buletinean harpidetu

  • Q de calidad 2001
  • Q de calidad 2003
  • Cooperativa de utilidad pública
  • EFQM
  • Certificado de Escuela Sostenible
  • UNESCO
  • Cambridge English Language Assessment
  • Distinguished Educator
  • Logo heldutasuna IKT
  • Academica diploma dual international studies