Memoria historikoa musikaren bidez

Lauaxeta Ikastolako ikasle batzuk azken egunotan Alemanian izan dira, Musika Gurs proiektuaren bigarren fasean parte hartzen.
Erasmus+ programaren barruan, eta Europar Batasunaren babesean garatzen den proiektu honetan, Lauaxetak Frantziako eta Alemaniako ikastetxeekin elkarlanean dihardu, Espainiako Gerra Zibilean eta II. Mundu Gerran konzentrazio eta errefuxiatu kanpoetan sorturiko abesti eta musika berreskuratzeko eta plazaratzeko helburuarekin.

Proiektuak gogorarazten digu nola musika eta artea bizitzari eusteko tresna bihurtu ziren egoera latzetan, eta nola horien bidez gizatasuna eta duintasuna bizirik mantendu ziren.

Lehen fasean, ikasleek Gernika eta Gurs bisitatu zituzten, esperientzia hunkigarri baten bidez historia eta memoria lantzeko. Bigarren fase honetan, berriz, Alemaniako kontzentrazio, errefuxiatu eta exterminio zelaiak ezagutu dituzte, eta Berlinen abestien emanaldia eskaini dute, proiektuari amaiera emanez modu sinboliko eta emozional batean.

Memoriaren eta musikaren arteko zubia, bizirik iraun dezan gure ondarea ez dadin galdu. 🎶✨