Saskian 0 produktu daukazu/dituzu.
Gaur espazio berri bat inauguratu dugu Lauaxetan: Ongi etorri Lauaxeta Hub-era!
Pozez gainezka gaude espazio berezi hau Lauaxetako inguruneari gehitzeagatik, gure balio handienetako bat nabarmenduz: berdegune zabalak. Lauaxeta Hub, anfiteatro gisa diseinatua, ikasleek kanpoan beren lanak aurkeztu eta burutzeko, atseden hartzeko, energia berritzeko eta ingurune naturalarekin konektatzeko lekua izango da.
Egun berezi hau ospatzeko, artista paregabe batzuk izan ditugu gurekin: ikasleak beraiek! Itsaso musika irakaslearen zuzendaritzapean, perkusio koreografia bat prestatu dute txikienak dantzan jartzeko. Baina ez hori bakarrik, euren sormena erakutsi dute ohiko instrumentuak erabiliz, eta baita etxetik aurkitutako elementuekin egindako instrumentu berriak erabiliz ere. Hau da, hain zuzen, Lauaxetan ikasten dugun modua: sormena eta talde lana ardatz hartuta.
Anfiteatro berri hau ez da espazio fisiko bat soilik, baizik eta ikaskuntza, bizikidetza eta naturarekin loturiko modu berrietara irekitzen den ate bat. Ziur gaude ideia, une eta esperientzia handiak loratuko direla bertan.
Lauaxeta hazten jarraitzen du, eta bide honen parte zarete zuek ere! 🌿✨
