Garapen Iraunkorra bideratuz

Lauaxeta Ikastola, gaurkoan, Euskaliten izan da Praktika Onen barne, Garapen Iraunkorrerako Helburuak, ikastolan txertatzearen inguruko esperientzia aurkezten.

Jarraitu irakurtzen.

Euskal Herriko UNESCO Sarea (EHUS), UNESCOgaz erlazionatutako 19 erakunde publiko eta pribatuz osatutako sarea da. Beraien ekintzak eta programak UNESCOren bost eremuetan kokatzen dira: hezkuntza, natur eta giza zientziak, kultura eta informazio eta komunikazioa, 2030 agendagaz eta Garapenerako Helburuekaz konpromisoa agertuz.

Lauaxeta Ikastola UNESCO Sarearen kide da eta zentzu honetan; bere ekimenak Garapen Iraunkorrerako Helburuekaz bat datoz.

Ildo honetatik, gaurkoan, EUSKALITEN Kudeaketa Aurreratuaren Praktika Onen barne, Lauaxeta Ikastolak Garapen Iraunkorrerako Helburuak ikastolan zelan txertatzen dauazan azaltzeko aukera izan dau.

Izan ere, 2019.ean, Lauaxeta Ikastola eremu honetan garatutako lanagatik “Gizarte eraldaketak erreferentziazko eredu” bezala hautatu eban Garapenerako Lankidetzaren Euskal Agentziak, eta zentzu berean, UNESCOk, “Itsasargi ikastetxe” izendatu eban.

Topaketan, euren esperientzia partekatu dabe baita Azti-Tecnaliak, UPV-EHUk, A&B Laboratorios de Biotecnologíak, Euskadiko Parke Teknologikoak eta Centro de Formación Somorrostrok.

Aurrera!