Saskian 0 produktu daukazu/dituzu.
Gizarte plural eta anitzean bizi gara, eta jatorri, kultura eta profil desberdidun pertsonez osotutako gizarte bat daukagu. Batzuetan, merezi dau geldiune bat egin eta errealitate jakin batzuei buruz hausnartzea, eta horixe egin dabe, hain zuzen ere, Lauaxetako ikasle batzuek arrazakeriaren aurkako Fair Saturdayko “Pentsatzeko ipuinak” ekimenean. Gehiago jakin nahi dozu?
Jarraitu irakurtzen.
Arrazakeriaren inguruan hausnarketa sakona egitera gonbidatzen gaituen istorioak dira Mikel, Kattalin, June, Aiala, Jon eta Izarorenak. Lauaxeta Ikastolako LHko ikasleek idatzitako “Pentsatzeko ipuinak” eta eginiko lan onagatik saria jaso dabenak. Ondoko liburu digitalean ezagutu daikezuzan istorio politak.
Gure gizartean identifikatzen diren hainbat arazotan oinarrituta, Fair Saturdayk urtero antolatzen dau ikasleentzako literatura lehiaketa. Orain arte ospatutako edizioetan, bullying-a eta matxismoa izan dira gai nagusiak; aurten, arrazakerian zentratu dira.
Sari banaketa uztaila amaieran egin zan eta joan dan astean liburu digitala aurkeztu zan, arrazakeriaren aurkako nazioarteko eguna aprobetxatuz.
Gure seme-alabak arrazismorik gabeko ingurune batean hezteak daukan garrantziaz jabetu behar garela agerian uzten dabe horrelako ekimenek. Desberdintasunek ez gaitzatela etsai bihurtu, baizik eta lagun, aniztasun-inguruneen barruan, etorkizunera begira, arrazakeria desagerrarazteko.
