Munduari buruz pentsatzeko eta hobetzeko ekimenak

Ikasleek gizartea aldatu eta hobetu dezakete. Ideiak eta sormena ez zaizkie falta, eta aldaketa oro egungo egoerari eta abiapuntuari buruzko hausnarketa sakon batekin hasten da.
Horixe dute, hain zuzen ere, LauHaixetara Irratiko ikasleek hizpide dituzten bi ekimenek:
Alde batetik, pentsatzeko ipuinak ekimena, Fair Saturday-rena, hain zuzen ere ikasleak gaurkotasuneko gai bati buruz pentsatzera eta idaztera gonbidatzen dituena. Edizio honetan sare sozialei buruzkoa izango da eta animatzen direnentzako epea datorren maiatzaren 22ra arte luzatuko da.
Eta, bestetik, Sapere Aude ekimena, ikasleei erronka botatzen ziena mundua aldatuko duten asmakizunak proposatzeko, ingurumenaren, berdintasunaren edo gizarte-ongizatearen ikuspegitik. Bertan, Lauaxeta Ikastolako bi proiektu hautatu eta saritu zituzten: Lehen Hezkuntzako 3. mailako Herri Ekologikoa eta Lehen Hezkuntzako 2. mailako Walki-robot.
LauHaixetara Irratiko ikasleek bi gai horiei buruz hitz egingo dute oraingoan. Esteka honetan entzutera gonbidatzen zaitugu.