Saskian 0 produktu daukazu/dituzu.
Ikastolako Kultur Labetik, literatura eta arte eszenikoak sustatzeko konpromisoarekin jarraitzen dugu. Oraingoan, aukera berezi bat dakarkizuegu: Arriaga Antzokiak prezio berezia eskaintzen digu, 8 euroren truke, Kristalezko Zooa euskaraz ikusteko martxoaren 22an, 19:00etan.
Antzerkiaren altxor bat euskaraz
Dramaturgia unibertsaleko klasiko hau, Tennessee Williams estatubatuar idazlearen obra ospetsua, Arriaga Antzokiaren ekoizpen berrian taularatuko da. Natalia Méndezen egokitzapen eta zuzendaritzarekin, obraren esentzia euskarara ekarri da, kutsu oniriko eta subjektiboa mantenduz.
Drama honek, sentikortasunez eta sinbolismoz betea, helduentzako publikoari zuzenduta dago (16 urtetik gorakoentzat), eta ametsak, itxaropenak eta giza ahultasuna ardatz dituen istorio hunkigarria eskaintzen digu.
Ikastolako familientzako sarrera esklusiboak
Emanaldi berezi honetarako sarrerak Ikastolako familien, ikasleen eta langileen esku daude soilik. Bertaratu nahi izanez gero, hurrengo galdetegia bete ostirala baino lehen: Izena emateko galdetegia. Sarreren ordainketa ohiko ordainagiriaren bidez egingo da.
Eskariak eskuragarri dauden sarrerak gainditzen baditu, eskaera ordenaren arabera banatuko dira.
Ez galdu euskarazko antzerkia bizitzeko aukera hau eta murgil zaitezte dramaturgiaren historiako obra ikonikoenetako batean! Martxoaren 22an ikusiko dugu elkar Arriaga Antzokian.
