Liburuaren Eguna gogotsu ospatu genuen!

Urtero ospatzen dugu liburuaren eguna Lauaxetan, baina edizio honetan goitik behera ospatu dugu, egitarau zabalarekin eta ikastolako ikasle asko partaide eginez:

• Eguna Amets Arzallusen Miñan irakurketarekin hasi genuen. DBHko 4. mailako ikasleek eta irakasleek elkarri lekukoa eman zioten, egunean zehar irakurtzen jarraitzeko.
• Jasone Osoro idazlearekin eta Markel Hernández idazle eta ikasle ohiarekin solasaldia izan genuen.
• “Zu ere erromantiko” Lauaxetako lehiaketako sari banaketa egin genuen. Irabazleak aukeratzea kostatu zitzaigun arren, azkenean Aiala Bilbao Olabarri, Xiao Hu Pereira Irigaray eta June Zubiete González izan ziren. Zorionak!
• Ikasleen hainbat literatura-proiektu ere aurkeztu ziran eta Bookselfies lehiaketa garatu zen.
• Eta, urtero bezala, bigarren eskuko liburuaren azoka solidarioa egin genuen. Bertan bildutako dirua La otra mirada (Beste begirada) gobernuz kanpoko erakundearentzat izango da, Senegalen ama-haurren anbulatorioa eraikitzeko.
• Txikiek ipuin kontalariaz gozatu zuten.
• Gainera, alemaneko ikasleek Daniela Freudenberg irakasle eta idazlearen bisita eta hitzekin gozatu ahal izan zuten.