Irratiak belaunaldiak konektatzen ditu

🎙️ Lauhaixetara Irratian, Lauaxeta Ikastolako irrati proiektuan, egun berezia bizi izan dugu. Irratiaren Nazioarteko Eguna dela eta, eta Lauaxeta Ikastolako ikasleen eta Orue Igurco IMQ egoitzako egoiliarren arteko elkarreragin proiektuari jarraipena emanez, topaketa polita izan dugu gaur ikastolan.

Oraingo honetan, Orue egoitzako egoiliarrak izan dira protagonistak. Lauaxetara etorri dira eta gure ikasleek elkarrizketa bat egin diete irratsaio batean. Saioan zehar, egoiliarrek beren bizipenak, oroitzapenak eta gogoetak partekatu dituzte, eta ikasleek kazetari lanetan jardun dute: galderak prestatzen, elkarrizketa gidatzen eta adi entzuten.

Irratia, horrela, belaunaldi ezberdinen arteko topagune bihurtu da; istorioak, esperientziak eta jakin-mina partekatzeko espazio bat. Esperientzia aberasgarria izan da guztientzat, ikasleek komunikazioa, enpatia eta entzute aktiboa lantzeko aukera izan baitute, aldi berean gure ingurunearekin loturak sendotuz.

Halako ekimenek erakusten dute zein garrantzitsua den eskola komunitatera irekitzea eta ikaskuntza harremanen bidez eraikitzen den espazioak sortzea. Belaunaldi ezberdinek elkarrizketan parte hartzen dutenean, denok ikasten dugu zerbait berria.

Lauaxeta Ikastolatik eskerrik beroenak eman nahi dizkiegu Orue Igurco IMQ egoitzako egoiliarrei, gure ikasleekin beren esperientziak partekatzeko erakutsi duten prestutasunagatik.

🎧 Elkarrizketa honek gogorarazten digu irratiak oraindik ere pertsonak, istorioak eta ikaskuntzak konektatzeko tresna indartsua dela.