Noiz nagusitu zaizkigu horrenbeste?

Zenbat aldiz esan edo pentsatu duzu? Denboraren joana eta horren azkartasuna are nabarmenagoak dira haiengan: gure seme-alabengan. Hain zuzen ere, ostegun honetan Lauaxetan hainbat urte, egun eta ordu eman dituzten 116 gazte agurtzeko unea heldu da. Eta pozez, hunkiduraz eta penaz egiten dugu, baina gutaz gogoratuko zaretelakoan eta gu bisitatzera itzuliko zaretelakoan, zer egiten ari zareten eta nola doakizuen kontatzeko.

Agur Jaian egingo dugu: ostegun honetan Lauaxetan ospatuko dugun Batxilergoko 2. mailako ikasleen promozio jaian. Oso une bereziak zuentzat eta zuen familia guztientzat: etapa bat ixtea, ikastolaz haraindi berri bat hastea, horrek maila akademiko-profesionalean zein pertsonalean suposatzen duen guztiarekin.
Ziur amatxu, aitatxu edo aitite-amama bat baino gehiago hunkitu egiten dela eta ez dela gutxiagorako.
Aurrera, neska-mutilak!
Begirada bat bota nahi badiozu programa uzten dizugu.