Ezkurretatik… txerritxoetara

🐷🌳 Askotan, ideia onenak mundua jakin-min eta sormen begiekin ikusten dutenengandik datoz: haurretatik.

Duela aste batzuk, Lehen Hezkuntzako ikasle talde batek gutun berezi bat idatzi zion ikastolako zuzendaritzari. Bertan, eskaera xelebre baina zoragarria egiten zuten: Laia Guneko baserri-eskolara txerritxoak ekartzea. Haien arrazoia sinplea eta bikaina zen aldi berean: “ikastolan haritz asko daude, eta ematen dituzten ezkurrak txerritxoek jan ditzakete”.

Eskutitza irakurtzean, gure bihotzak ukitu zituen: ingurua zaintzeko duten gaitasuna, naturarekiko duten begirada eta ideia berriak izateko duten indarra. Horregatik, haien eskaera entzun, eta errealitate bihurtzea erabaki dugu.

👉 Gaur bertan iritsi dira txerritxoak Laia Gunera, eta hemendik aurrera gure ikasleekin batera ikasi, zaindu eta elkarbanatuko dute bizitza.

Heztea, txikienei ahotsa ematea da ere bada, haien ideiek balioa dutela erakustea eta benetan gauzak alda ditzaketela sinestaraztea. Eta hau horren adibide ederra da. 💚