Euskaraz biziz, abestuz eta mintzatuz!

Musikak beti du emozio sakonak pizteko ahalmen berezi hori. Gainera, gurea den hizkuntzan kantatzen badugu eta gure kulturako abestiak berpizten baditugu, sentitzen duguna alaitasunetik haratago doa; besarkada bero bat bezalakoa da, nolabait arima suspertzen diguna.

Atzo, ikastolan, Inun izan genuen, bere gitarra eta ahotsarekin arratsalde ahaztezina oparitu zigun ikasle ohia.

Eszenari udaberriko eguraldia eta argia gehitzen badizkiogu, haizearekin dantzan ari ziren hostoz beteriko zuhaitz piloa eta abestiak jotzeko elkarri sorbaldatik heltzen zioten ikasleak, esan dezakegu ia ziur atzoko egunak luzaroan iraungo duela haien oroimenean.

Garrantzitsua da gure sustraiekin lotzen gaituzten esperientzia horiek balioestea eta ospatzea, gu baino zerbait handiagoaren parte sentiarazten gaituztelako. Euskara emozionalki une eta emozio positiboekin lotzea.

Euskaraz biziz, abestuz eta mintzatuz!