Saskian 0 produktu daukazu/dituzu.
Joandako astean, martxoaren 21ean, Poesiaren Eguna ospatzeko, Kultur Labak poesia tailer berezi bat antolatu zuen DBHko ikasleentzat. Ekimen hau aukera paregabea izan zen sormen literarioa lantzeko, poesiarekiko harremana sakontzeko eta ikasleek beren ahotsa idatziz adierazteko 📝.
Tailerra Maria Zarrabeitia ikasle ohiak gidatu zuen. Zarrabeitia, gaur egun, Idazketa Sortzaileko gradua egiten ari da, eta Izanen gazte aldizkariaren (@izanenga) sortzaileetariko bat ere bada. Bere presentziak inspirazio eta gertutasun kutsua ekarri zuen tailerrera 💡.
Saioan zehar, parte-hartzaileek Miren Agur Meabe eta Pako Aristiren poemak irakurri zituzten 📖, eta ondoren, beren testuak idatzi eta konpartitzeko aukera izan zuten. Giro lasaian, norberaren emozioak eta ideiak hitzetan jartzeko tartea eskaini zitzaien 💬.
Argazkietan ikus daitekeen bezala, tailerrean sortutako giroa aberatsa, parte-hartzailea eta inspiratzailea izan zen.
Eskerrik asko, Maria, zure presentziagatik eta ikasleekin partekatutako guztiagatik! 🌟
