Ikastolan gelditzean negar egiten du?

💛 Bihotza uzkurtzen zaizue zuen alaba edo semea ikastolan uzten duzuenean? Zalantzak sentitzea, baita gurasoen artean “errudun” sentitzea oso arrunta izaten da. Baina gauza bat esan nahi dizuegu: zuek sentitzen duzuena normala da… eta beraiek sentitzen dutena ere bai.

Guri bezala, neska-mutilei ere kosta egiten zaie berriarekin aurrez aurre egitea. Egokitzapena ez da beti erraza, baina bai beharrezkoa eta osasungarria. Negarrak ez du esan nahi gaizki ari garenik, baizik eta lotura sendo bat dagoela eta, pixkanaka, beste espazio eta pertsona berrietan konfiantza ikasten ari direla.

Egunak pasa ahala, tristura hori konfiantza bihurtzen da. Zuen alabak edo semeak ikastola ere toki segurua dela deskubrituko du, non maitasuna, laguntza eta hazteko esperientziak aurkituko dituen. Eta politena da une bat iritsiko dela, ia ohartu gabe, atea zeharkatzean irribarrea oparituko dizuela.

Oso garrantzitsua gogoraraztea: ez zaudete bakarrik prozesu honetan. Hemen gaude, zuen eta zuen txikien ondoan, egokitzapen bide honetan pazientziaz, enpatiaz eta mimo askorekin laguntzeko.

Gaurko malko bakoitza biharko segurtasunaren hazi da 🌱.