Abentura txiki handiak: txikienek baserri-eskolara bisita egin dute

🐰 🌿 Lauaxeta Ikastola handia da. Oso handia. Biziz betetako pasabideak, haur, nerabe eta nagusien ahotsak eta egunez egun hazten diren proiektuak. Baina espazio guztien artean, badago gela oso berezi bat: urtebeteko haurrena. Txikiak tamainaz, bai, baina jakintza-gosez eta mundua ezagutzeko grinez beterikoak. 💚

Horregatik, ikastola handia izan arren eta haiek oraindik pauso txikiak eman arren, ez dugu nahi euren inguruko txoko ederrak gal ditzaten, eta are gutxiago haien jakin-mina eta lilura pizten dituzten horiek.

Aste honetan baserri-eskolara eraman ditugu, eta benetako magia izan da. 🌾✨
Han untxiak ikusi, oiloak behatu, ahuntzei jaten eman eta ponnyekin harrituta geratu dira —haiek bezain jakin-min handikoak ziruditen!—.
Hau da ikasten ikastea: deskubrituz ikastea, izan ere, ikaskuntza irakurtzen edo idazten jakin baino askoz lehenago hasten da, begiratuz, ukituz, usnatuz eta sentituz. Eta hori guztia baserri eskolan egin dute, zentzumen guztiekin. 🌼

Ternuraz, naturaz eta lehenengo esperientziaz betetako egun bat izan da, haien memorian —eta gurean ere bai— betiko gordeko dena. 💛