Neskek zergatik aukeratzen dituzte gutxiago zientzia-teknologiaren arloko lanbideak?

Gaur, Lauaxeta Ikastolan beste urrats bat eman dugu berdintasunarekin dugun konpromisoan.

Goiz honetan, 6. mailan Inspira ekimena berreskuratu dute, genero-estereotipoak hausteko eta neskak zientzia, teknologia, ingeniaritza eta matematikaren (STEM) arloko karrerak esploratzera animatzeko.

Teknologiak pauso erraldoiak ematen dituen mundu batean, funtsezkoa da etorkizuneko belaunaldiek aldaketa horiek gidatzeko gaitasuna izatea. Hala ere, gure blogeko aurreko post batean hausnartu genuen bezala, neskak gutxiengoa izaten jarraitzen dute lanbide horietako askotan. Inspira bezalako ekimenak ezinbestekoak dira joera hori aldatzeko, gure ikasleek beren potentziala aurki dezaten eta beren ametsak mugatu ditzaketen oztopo kulturalak gaindi ditzaten laguntzeko.

Hasierako saio honetan, genero-estereotipoei buruz hausnartzeko eta haien jakin-mina pizteko jarduera dinamikoetan parte hartu dute. Arlo teknologiko eta zientifikoko emakume lider batzuen adibide errealen bidez, ez dagoela amets ezinezkorik eta helburu lorrezinik erakutsi zaie.

Ziur gaude hezkuntzak funtsezko papera jokatzen duela gizarte bidezkoagoa eta berdinagoa eraikitzeko. Lauaxetatik, generoarekin zerikusirik ez duten faktore mugatzaileak alde batera utzita, gure ikasleei etorkizuneko protagonista bihurtzeko beharrezko tresnak eskaintzen jarraituko dugu.

Aurrera!