Saskian 0 produktu daukazu/dituzu.
Aste Santuko oporren aurretik, urtero bezala, elikagaien bilketa solidarioa egin genuen. Ekimen honek komunitate gisa indarrak batzeko aukera ematen digu, gehien behar dutenei laguntzeko eta Lauaxeta osatzen dugun 1.000 familia eta 1.400 ikasle baino gehiagoren indarra baliarazteko. Guztion eskuzabaltasunari eta elkartasunari esker, elikagai ez galkorren kopuru ikaragarria bildu ahal izan genuen.
Eta gaur, keinu hori eskertzeko eta gure ikasleei balio erantsi handiagoa emateko, Lehen Hezkuntzako 6. mailakoek Bizkaiko Elikagaien Bankuko ordezkarien bisita eta azalpenak jaso dituzte.
Hitzaldi aberasgarria izan da, gure ikasleei beren ekintza solidarioek duten eragin positiboa hobeto ulertzeko aukera ematen diena.
Bihotzez eskerrak eman nahi dizkiegu hori posible izan dadin lagundu duzuen guztioi.
Jarrai dezagun elkarrekin lanean elkartasun-, enpatia- eta eskuzabaltasun-balioak sustatzeko. Harea-ale bakoitzak balio du.
