Saskian 0 produktu daukazu/dituzu.
🌿 Aste honetan, Lauaxeta Ikastolako 2. Batxilergoko ikasleek une berezia bizi izan dute IMQ Igurco Orue egoitzan. Joan den ikasturtean parte hartu zutenekin berriz elkartzeko aukera izan dute, IMQ Igurco Orue Programa Intergenerazionalean. Ekimen honek belaunaldi desberdinen arteko harremanak sustatzen ditu, bai gazteen bai nagusien ongizatea, autonomia eta garapen pertsonala bultzatuz.
Topaketa hunkigarria izan zen, oroitzapen eta bizipenez beterikoa. Batzuek harreman estu eta zintzoak sortu zituzten iaz, eta orain berriztopaketa horrek argi utzi du belaunaldien arteko loturak denboran irauten duen ikaskuntza eta afektua direla.
Aurten, 1. Batxilergoko ikasleek hartuko dute lekukoa, eta belaunaldi ezberdinen artean zubiak eraikitzen jarraituko dute, elkarrekin ikasi eta partekatzeko aukera berriak sortuz.
Lekukoa eskuz esku pasatzen da, baina espiritu bera bizi da: gazteen eta nagusien arteko topaketak aberasgarria dela bi aldeentzat, eta bizitza osorako arrastoak uzten dituela.
