Ingeniaritza, emozioa eta ikaskuntza Lauaxeta Bilbao Greenpower Urban Race lasterketan

⚡ Asteburu honetan Lauaxeta Ikastolak Lauaxeta Bilbao Greenpower Urban Race lasterketan parte hartu du, San Mamés ingurune paregabean ospatutako ekitaldian. Egun berezia izan da, gure ikasleek hilabete askotan zehar egindako lana praktikan jartzeko aukera izan baitute, beren auto elektrikoak diseinatu, eraiki eta prestatu ondoren.

Bilbao Urban Race ekimenak hainbat ikastetxetako taldeak biltzen ditu urtero, ikasleek beraiek eraikitako ibilgailu elektrikoekin lehiatzeko, Greenpower hezkuntza proiektuaren barruan. Lasterketa bera baino harago, ekimen honek aukera ematen du benetako testuinguru batean ingeniaritza, jasangarritasuna, talde lana, arazoen konponketa eta proiektuen kudeaketa lantzeko, ikaskuntza esperientzia praktiko eta motibagarri bihurtuz.

Eskerrak eman nahi dizkiegu bereziki proiektu hau posible egiten duten enpresa babesle guztiei, gazteen talentua, berrikuntza eta hezkuntza bultzatzeko egiten duten apustuagatik. Gure eskerrik beroenak honako enpresei:

Luolio Global Capital, Centro Porsche Bilbao, Maderas Aguirre, Pinturas Etxebarri, Ekin, Sibelco, Cormorán & Asociados, Condesa Fabril (ArcelorMittal Tubular Products Legutio), KW Damping Technology S.A. eta Gasca eta Etxegu Ferretería Industrial.

Eskerrik asko gurekin bidelagun izateagatik eta gure ikasleen potentzialean sinesteagatik.

Halaber, aitortu nahi dugu proiektu hau bultzatzen duen irakasleriaren lana eta, jakina, esperientzia honetako benetako protagonistak diren gure ikasleen ahalegina eta ilusioa.

Bilbon bizi izan zen jardunaldiari buruz gehiago jakin nahi baduzue, hemen irakur dezakezue prentsan argitaratutako albistea:
👉 https://www.deia.eus/bilbao/2026/03/15/bilbao-urban-race-san-mames-coches-electricos-jovenes-carrera-10822689.html

Benetako erronkekin konektatzen denean, hezkuntzak bizia hartzen duela erakusten jarraitzen dugu. 🚗⚡

Bideo pare batekin uzten zaituegu.