Etorkizuna aukeratzen: orientazioa DBH 4. mailan

🎯 Lauaxeta Ikastolan badakigu ikasleen ibilbide akademikoan une garrantzitsuetako bat DBH 4. maila amaitzean iristen dela: hurrengo pausua aukeratzea.

Horregatik, aste honetan orientazio proiektu bat garatu dugu maila honetako ikasleekin, euren etorkizun akademikoari buruz hausnartu, informatu eta erabaki kontzienteak hartzen laguntzeko helburuarekin.

Saio ezberdinen bidez, ikasleek euren eskura dituzten aukerak ezagutu dituzte —Batxilergoko modalitateak zein bestelako ibilbideak—, euren interesak, gaitasunak eta motibazioak sakonago aztertuz, gainera esperientzia ezberdinak ezagutu dituzte, bai gurasoen aldetik, baita ikasle ohien aldetik ere.

Prozesu honek ez du soilik zer ikasi aukeratzea bilatzen; norberaren proiektu pertsonala eraikitzen laguntzea du helburu, autonomia, hausnarketa eta erabaki arduratsuak sustatuz.

Aukeratzea ez da soilik bide bat hartzea, norberaren etorkizuna eraikitzen hastea baizik. 💡