Saskian 0 produktu daukazu/dituzu.
Duela egun batzuk kontazten genizuen Aitziber Ibarra, Izaro Poza eta Maider Uriarte ikasleek Exporecerca Jove azokan parte hartu zutela, non UVGuard izeneko proiektua aurkeztu zuten, melanoma prebenitzeko helburuarekin.
Gaur, pozik jakinarazten dugu haien lanak aitortza jaso duela, fotonikaren arloko ikerketa saria irabaziz. Sari honek haien sormena, zorroztasun zientifikoa eta konpromisoa azpimarratzen du, eta erakusten du Lauaxeta Ikastolan garatzen den ikerketak eragin benetakoa eta akademikoki baloratua duela.
Hemendik, zoriondu nahi ditugu lortutako lorpenagatik, eta gure ikasle guztiak animatu nahi ditugu esploratzen, ikertzen eta etorkizunerako irtenbideak sortzen jarraitzera.
Zorionak! 馃帀
