Saskian 0 produktu daukazu/dituzu.
🎶 Ikasturte hasierarekin batera, Lauaxeta Ikastolan ere abian jartzen da gure kulturarekin zuzenean lotzen gaituen jarduera hau: Bertsolaritza.
“Norbere buruarengan segurtasuna, autoestimua, komunikazioa edo euskararekin eta gure kulturaren parte den zerbaitekin lotura sakontzea”. Hori da ikasleek bertsolaritzari buruz partekatzen duten hausnarketetako bat.
Baina Bertsolaritza horrez gain askoz gehiago da: inprobisatzen ikastea, jendaurrean aritzea, memoria eta erritmoa lantzea eta, batez ere, euskara bizirik eta modu sortzailean bizitzea.
Lauaxetan, bidea Lehen Hezkuntzako 5. mailan hasten da eta DBHko 2. mailara arte hedatzen da, ikasleei aukera emanez norberaren garapenean ez ezik, euskararekin eta gure kulturarekin duten loturan ere hazteko.
