Saskian 0 produktu daukazu/dituzu.
⚡🏎️Mugitek proiektuaren baitan — Lauaxeta Ikastola-k bultzatutako kart elektrikoen ekimena — Lehen Hezkuntzako ikasleek aste honetan esperientzia oso berezia izan dute: proiektuaren babesleetako bat den Luolio Global Capital enpresa bisitatu dute.
Bisitan zehar, ikasleek enpresaren jarduera eta lan-ingurunea ezagutzeko aukera izan dute, eta aldi berean, Mugitek proiektua azaldu eta aurkeztu dute, bere helburuak, funtzionamendua eta ikaskuntza-prozesuan lantzen ari diren alderdiak partekatuz.
Topaketa hau oso aberasgarria izan da, ikasgelako ikaskuntza mundu errealarekin lotzen duelako, ahozko komunikazioa, ekimena eta talde-lana sustatzen dituelako, eta berrikuntza zein jasangarritasunaren aldeko balioak indartzen dituelako ⚡🌱.
Lauaxetatik eskerrak eman nahi dizkiogu Luolio Global Capitali erakutsitako hurbiltasunagatik eta babesagatik, eta halako esperientziek gure ikasleei txikitatik ikasten, hazten eta euren proiektuetan sinesten laguntzen dietela azpimarratu nahi dugu 💚🚀.
