Batxilergoko 2. mailako ikasleak Greenpower lasterketan parte hartu dute Los Arcosen

Atzo, Lauaxeta Ikastolako Batxilergoko 2. mailako ikasle talde batek aukera paregabea izan zuen: Greenpower Iberia lasterketan parte hartu zuten, Los Arcoseko (Nafarroa) zirkuituan.

Ekitaldi hau nazioarteko Greenpower ekimenaren parte da, eta helburua da gazteen artean STEM bokazioak (Zientzia, Teknologia, Ingeniaritza eta Matematika) sustatzea. Ikasleek auto elektriko ekologikoak diseinatu, eraiki eta gidatuz, berrikuntza, iraunkortasuna eta talde-lana uztartzen dituen proiektua garatzen dute. Lauaxetak bi autoz parte hartu zuen, ikasleek eurek garatutakoak, teknologiaren, iraunkortasunaren eta sormenaren inguruko hezkuntza-proiektu baten barruan.

Nafarroako Zirkuituko lasterketa jardunaldi intentsua eta zirraragarria izan zen, eta hainbat ikastetxetako taldeek beren ahalegina, adimena eta mugikortasun iraunkorraren etorkizunarekin duten konpromisoa erakutsi zuten.

Eskerrik beroenak eman nahi dizkiegu gure babesleei, etorkizuneko belaunaldien hezkuntza eta prestakuntzarekiko duten konpromisoagatik:

• Fundación Gestamp
• Ingeteam
• LKS Next
• Sibelco
• Iddtek
• Cormorán Asociados
• Maderas Zallo
• Grupo Gasca
• Hegoak
• Airlan

Haien laguntza funtsezkoa izan da gure ikasleek horrelako proiektuetan parte hartzea posible izan dadin.

Zorionak parte-hartzaile guztiei egindako lan bikainagatik!