Saskian 0 produktu daukazu/dituzu.
EAEko Hezkuntza arloko bederatzi erakunde Garapenerako Lankidetzaren euskal Agentziak bultzatutako gizartearen eraldaketa programaren barne egindako lanagatik, erreferente bezala izendatuak izan dira. Euren artean, Lauaxeta Ikastola dago.
Jarraitu irakurtzen.
Lau erakunde izan dira Bizkaian hautatutakoak, Somorrostroko Heziketa Zentroa, Zorrotzako Fray Juan ikastetxea eta Portugaleteko Santa Maria ikastetxea, Lauaxeta Ikastolaz gain. Eurekaz batera, Gipuzkoako beste 4 erakunde eta Arabako beste bat.
Iaz UNESCOk ITSASARGI ikastetxe bezala izendatu eban Lauaxeta Ikastola, Nazio Batuen 2030 Agenda eta Garapen Iraunkorrerako Helburuen alde egindako lanagatik eta honeek, hezkuntza eduki eta proiektuetan txertatzeagatik. Hori dala eta, joandako irailak 24ean, Lauaxeta Ikastolako ordezkaritza bat Nazio Batuetan izan zan, Giza Eskubideen Kontseiluan izateaz gain, hezkuntza eskubideen inguruko formazioa jaso eta beste erakundeeekaz esperientziak partekatzeko aukera izan eben.
Aintzatespen hau, azken urteetan egindako lanaren ondorioa da, 80-90 hamarkadan Ekoeskola sortu genduanetik eta gaur egunean garatzen doguzan proiektuetaraino. Esperientzia honek, ildo beretik lanean jarduteko indarbarritzen gaitu, gizartea, ikaslegoa eta familienganako konpromesua mantenduz.
