Lauaxetan pickleball pistak inauguratuta: kirola, osasuna eta dibertsioa

🎾 Gaur Lauaxetan gure pickleball pistak inauguratu ditugu. Pickleballa tenisa, padela eta badmintonaren ezaugarriak uztartzen dituen kirola da, mundu osoan gero eta jarraitzaile gehiago dituena, dinamikoa, eskuragarria eta dibertigarria delako.

Pista berriekin gure ikasleei eta hezkuntza komunitate osoari kirol aukera anitzak eskaintzen jarraitu nahi dugu, bizimodu osasuntsua sustatuz. Izan ere, kirolak gorputza indartzeaz gain, elkarlana, norberaren gaindipena eta elkarbizitza bezalako balioak ere lantzen ditu.

Inaugurazioan gure ikasleen parte hartzearekin batera, Marcello Paiva Jardim ere izan dugu gure artean; padel jokalari profesionala eta nazioarteko erreferentea izateaz gain, ikastolako haur baten aita dena, bere esperientzia eta grina partekatuz gurekin.

Aurrerapauso garrantzitsua gure heziketa integrala eta osasuna zein ongizatea ardatz dituen proiektuan.