Zer zerikusi du arteak grabitatearekin?

Eta artea fisikarekin? Hainbat diziplinatatik ikastea aberasgarria izan daiteke, eta balio erantsia ematen dio ikasi nahi dugunari. Are gehiago kontuan hartzen badugu gutako bakoitza askotarikoa garela eta modu ezberdinean ikasten dugula.
Fisikako Batxilergoko 2. mailako ikasleek hainbat saio egin dituzte Saioa Olmo artistarekin eta Marcos Pellejero eta Sergio Contreras fisikariekin.
Hori guztia grabitazio-eremuaren ikaskuntzan sakontzeko eta STEAM esperientzia garatzeko, DIPC (Donosti International Phisic Center) eta Innobasque erakundeen eskutik.
Eta, beste behin ere, ikastolari buruz dugun ideiarekin bat etorriz: ikastola eragile eta jende askoren topagunea dela, eta batzuek besteekin ikasten dutela, hain zuzen ere. Gure Expertia programarekin gertatzen den bezalaxe.