Saskian 0 produktu daukazu/dituzu.
Bere bizitzako 16 urtetan norbait ezagutzen duzunean, ez zaizu gauetik goizera ahazten. Asko dira bidean partekatzen diren esperientziak, bizipenak, uneak, zailtasunak eta pozak, eta horrek batzen gaitu. Horregatik gustatzen zaigu berriz elkartzea, zuei buruz jakitea, zertan ari zareten, ikasten edo lanean, eta, batez ere, bizitza ondo doakizuela jakitea.
Horregatik pozten gara egun batean zuen ikastola izan zenaz gogoratzen zaretenean, eta erabakitzen duzuenean tarte bat egitea eta gu bisitatzera edo alkarri ekarpenak egiten jarraitzea, dela unibertsitatetik, dela zuen lanetik.
Jon Castañeda komunikatzaile eta kazetariaren kasua da. Jonkas bezala, Euskadi Gazteako DIDA saioko kolaboratzailea, behin baino gehiagotan itzuli da Lauaxetara, gazteek hainbat gairi buruz duten iritzia ezagutzeko. Atzo berriro etorri zen, oraingoan Bigarren Hezkuntzako ikasle batzuk egiten ari diren irrati tailerrean bere ikuspuntua emateko.
Eskerrik asko Jon!
Gainerakoak, arrazoia edozein dela ere, pozten gara zuek berriro ikusteaz! Beraz, hemen gaude. Hasteko, larunbat honetan askorekin elkartuko gara, antolatu dugun festan! Xehetasunak hemen ikus ditzakezu.
