Norbere itxura fisikoaren garrantzia erlatibizatuz

Gure gorputzaren osasuna eta zaintza seme-alabei eta ikasleei transmititzea gauza ona da. Ispiluan proiektatzen duten irudiarekin gustura egon nahi izatea eta ondo ikusteko ahaleginak egitea ere positiboa da, beren burua zaintzeko duten beste esparru bat den heinean. Baina gure balio nagusia ez da kanpoko irudian oinarritu behar, hori baino askoz gehiago gara. Gorputza gure izatearen bilgarria da, kanpotik ikusten duguna soilik, baina gure izatea lantzearen garrantzia transmititu behar dugu, bilgarritik haratago eta publizitateak batzuetan sinestarazi eta pentsarazi dezakeenaz haratago.
Gorputz-irudia haurtzaroan hasten da, eta, horregatik, arreta berezia jarri behar dugu beren gorputza zaintzen, errespetatzen eta maitatzen irakasteko, gorputz-irudi positiboa eraikitzeko eta publizitatearen edo sare sozialen mezuen aurrean pentsamendu kritikoa garatzen laguntzeko.
Horretan oinarritzen da DBHko 1. mailako ikasleek Kontsumobideren eskutik egiten duten tailerra.