Saskian 0 produktu daukazu/dituzu.
Lauaxeta Ikastolan argi daukagu ikaskuntza gelatik harago doala. Bidaiatzeak, kultura berriak ezagutzeak eta beste herrialde batzuetan ikasteak ikasleen autonomia sustatzen du, ikuspegia zabaltzen du eta bizipenei balio berezia eransten die.
Horregatik, ikasturte hasiera honetan, agur eta animo bereziak bidali nahi dizkiegu aurten kanpoan ikasketak egiten ari diren Lauaxetako ikasleei, ikasturte osoan, erdian edo hiruhileko batean bada ere.
Horien artean dago Sandra Jorge, DBH 4. mailako ikaslea, eta une honetan esperientzia ahaztezina bizitzen ari da Japonian. Zehazki, Gakugeikan Institutuan, Okayaman, japoniar eta nazioarteko ikasleekin batera ari da bizitzen eta ikasten.
馃憠 Ikastetxea gehiago ezagutu nahi baduzu, hemen dauzkazu sare sozialetako loturak:
Kanpoan ikastea ez da hizkuntza bat ikastea soilik: beste bizimodu bat deskubritzea da, norberarena baloratzea eta ezberdina dena zabaltasunez hartzea. Ziur gaude esperientzia honek eragin handia izango duela haien bizitza pertsonal eta akademikoan.
Lauaxetatik gogorarazi nahi dizuegu, non egon arren, beti izango zaretela gure komunitatearen parte. Erronkaz, ikaskuntzaz eta oroitzapen ahaztezinaz betetako ikasturtea opa dizuegu.
Animo eta gozatu abentura honetaz! 馃専
