Ideiak ekintzara: Ekintzailetza Astea Batxilergoko 1. mailan

💡 Joandako astean Lauaxeta Ikastolako Batxilergoko 1. mailako ikasleek Ekintzailetza Astea bizi izan dute, ideiak sortu, garatu eta defendatzeko aukera eman dien esperientzia berezi batean.

Egun hauetan zehar, ikasleek hainbat profesional eta ekintzaileren testigantzak entzuteko aukera izan dute. Haien esperientzien bidez, proiektu bat sortzeko prozesua, ideiak nola garatzen diren edo ekintzailetzak dituen erronkak eta aukerak ezagutu dituzte.

Ikasitako guztia oinarri hartuta, ikasleek taldeka lan egin dute beharrak identifikatu eta enpresa-ideia propioak garatzeko. Prozesu honetan sormena, plangintza, talde-lana eta komunikazioa bezalako gaitasunak landu dituzte.

Asteko une nagusietako bat Ekintzailetza Azoka izan da. Bertan, talde bakoitzak bere proiektua profesionalez osatutako epaimahai baten aurrean aurkeztu du, ideiak azaldu, proposamenak defendatu eta kanpoko ikuspegia jasotzeko aukera izanez.

Esperientzia honek ikasleei aukera eman die ikaskuntza errealarekin konektatzeko, ideiak ekintzara eramateko eta etorkizunerako baliagarriak izango diren gaitasunak garatzeko: berrikuntza, talde-lana, komunikazioa eta ekimena.

Lauaxetan uste dugu ekitea biziz ikasten dela, eta horrelako esperientziek ikasleen potentziala pizten laguntzen dute, etorkizuneko erronkei begira.