Ikasleen garapen pertsonala alderdi akademiko hutsetik harago ere landu behar dela eta, norbanakoaren tratamendua eta segimendua egiten dugu, berta-bertatik, tutoretzaren eta adituen orientabide-zerbitzuaren bitartez. Ikasleen garapen pertsonal erabatekoa dugu helburu eta beraz baloreetan eta elkarbizitzan heztea garrantzitsua deritzogu.
Berrikuntzaren ildotik lan egiten dugu, edukiei ez ezik prozedurei eta hezkuntza metodologiari ere garrantzia emanez. Lauaxetako irakasle guztiak ikaskuntza-komunitate baten kide dira, hezkuntzaren ikuspegitik puntakotzat deritzegun gai edo metodologien inguruan ikertzen dutelarik. Talde dinamikoak dira, talde batek metodologia bat ikertu eta ikasgelan txertatu ondoren, beste beste gai bat ikertu, garatu eta aplikatzen dute.
Uste osoa dugu emaitzak bikainak izan daitezkeelakoan inor atzean utzi gabe, eta hala frogatzen du ikastetxeak bere ikasketa emaitzekin eta jaso dituen aitorpenekin. Soilik irits daiteke horraino helburua gaitasunen garapena bada eta elkarlan-giro egokia lotzen bada ikasleen, familien eta irakasleen artean.
Ikastolaren kokapena dala eta, gure ikasleek hiri-gunetik aldendu eta naturaz gozatzeko aukera dute. 6.200 m2 baino gehiagoko kirol instalazio estaliak, 20.400 m2-ko kirol instalazio irekiak, igerileku estalia, errobotikako ikasgela bereziak, laborategiak eta abar.
Gure hezkuntza-eredua erakundearen kudeaketa etengabe hobetzeko egiten ditugun ahaleginen fruitu da. Horren erakusgarri dira, hain zuzen, ikastetxeak jasotako aitorpenak, hala nola zilarrezko Q ziurtagiria 2001ean, urrezkoa 2003an edo European Quality Award 2007an.
Hezkuntzako teknologia berriak funtsezkoak direlako gure ikasleen garapenerako, Lauaxetako IKTen profesionalek teknologia berriak hezkuntza-etapa bakoitzean ahalik eta egokien txertatzeko lan egiten dute, zeinek bere alorrean jardunez: irakaskuntza, informatika, komunikazioa...
Mozkinak ateratzea baino, gizartean kontzientzia sortzea da 3 ikasleen helburua. Hoberena, euren hitzetan azalduz entzutea.
Ez dago zalantzarik teknologien abantailen inguruan, baina garrantzitsua da, halaber, arriskuez ere jabetzea eta gure seme-alabak, bizi garen aro digitalerako heztea, baliagarri izango jakezan gaitasun emozionalak eta digitalak garatzen lagunduz. Aste honetan, Lauaxetako Lehen Hezkuntzako 4. eta 5. mailako ikasleak horretan ari dira.
Gehiago jakin nahi dozu? Segi irakurtzen.
Ekintzailea beste batzuek arazoak baino ikusten ez dabezan horretan, konponbideak ikusteko gai da. Batxilergoko 2. mailako ikasle talde baten kasua da, ikastolako sukaldean sortutako olio-hondakinei bizitza baliagarria emotea erabaki dabe hain zuzen, xaboi ekologikoak eginez. Gehiago jakin nahi dozu? Segi irakurtzen.