Zer ikasiko duzu DBHren edo Batxilergoaren ondoren?

Adin batera iritsitako gure seme-alabek egiten duten galdera da, eta batzuetan ez da erraza izaten erantzuna ematea. Eusko Jaurlaritzak Euskal Hezkuntza Sistemaren Orientazio Plana aurkeztu du: lehena Bigarren Hezkuntza, Batxilergoa eta Lanbide Heziketa hartzen dituena. Helburua ikasleei etengabeko laguntza eta orientazioa eskaintzea da, beren etorkizun akademiko eta profesionalari buruzko erabakiak hartu ahal izan ditzaten.

Lauaxetan arreta berezia eskaintzen diegu ikasle bakoitzaren talentuei eta gaitasunei, eta erabakia hartzerakoan inplikatzen ditugu, irakasleen eta familiaren ikuspegia integratuz, 360º-ko ikuspegia eskaintzeko. Izan ere, batzuetan ez dira gai beren sendotasun-eremuak ikusteko, eta hori egin ahal izateak lagundu egiten die beren etorkizuna ikusten.

Tutoreek eta irakasleek egunerokoan, DBHko 4. mailan eta Batxilergoko 2. mailan egiten duten jarraipenaz gain, orientazioko bi proiektu egiten dira, ikasleei etorkizun akademiko eta profesionalari begira erabakiak hartzen laguntzeko, hain zuzen ere.

Horrez gain, MeOrientaren eskutik, gure seme-alaben eta ikasleen heziketan eta prestakuntzan ahalik eta laguntzarik onena lortzeko asmoz, hitzaldi berezi bat ematen dugu DBHko 4. mailako eta Batxilergoko 1. mailako familiei zuzenduta. Helburua da zuen seme-alabei beren etorkizun akademiko-profesionalari buruzko erabaki bat hartzen laguntzea.

Aurrekoaz gain, eta ikasleek generoarekin lotutako mugak edo baldintzak ez jartzeko helburuarekin, Lehen Hezkuntzan Inspira proiektua garatzen dugu, Deustuko Unibertsitatearen eskutik.

Joan den ostiralean Teleberrin emandako albistearekin utziko zaitugu.