Arte garaikidea Kultur Labaren eskutik

🎨 Kultur Labean bi emakume artista garaikideren lanak ditugu ikusgai egunotan, arte garaikidea ikasleengana hurbiltzeko helburuarekin. Ekimen hau Artotekarekin elkarlanean egiten dugu: kultur bitartekaritzako proiektu berritzailea da, eta Bizkaiko ikastetxeetara arte garaikidea eramaten du, artelanekin zuzeneko esperientzien bidez.

Otsailean zehar, gure espazioan egongo dira Raisa Álavaren Joanes serigrafia eta Saioa Olmoren Sersusurro instalazioa. Bi proposamen hauek aukera paregabea dira ikasleek artisten eskutik bertatik artea zer den esploratzeko, galderak egiteko eta mundua begirada irekiago batekin ulertzen hasteko.

Arteak pentsatzera, zalantzan jartzera eta konektatzera gonbidatzen gaitu, eta horregatik du hain leku garrantzitsua hezkuntzan.

✨ Animatu zaitezte zuek ere arte-lan hauek zuzenean ezagutzera!

• Artoteka (Instagram): https://www.instagram.com/artoteka/
• Raisa Álava (Instagram): https://www.instagram.com/raisaalava/
• Saioa Olmo (Instagram): https://www.instagram.com/saioaolmo/