Elikagaiak alferrik galtzea mundu mailako arazoa da, eta urtetik urtera okerrera doa. Nekazaritza eta Elikadurarako Nazio Batuen Erakundearen kalkuluen arabera, urtero 1.300 milioi tona elikagai alferrik galtzen dira mundu osoan, hau da, ekoitzitako janari guztiaren erdia baino gehiago. Bolumenari dagokionez, horrek bi bilioi plater beteko lituzke!
Pertsona baten zaborra beste baten altxorra da. Soberakin guztiak jaten ez badituzu edo fruta jan baino lehen hondatu bada, ez bota. Elikagaiak birziklatzeko modu asko daude, ezer onik alferrik gal ez dadin.

Hona hemen elikagaiak birziklatzeko ideia batzuk:
1) Erabili ogi-soberakinak hurrengo otorduan. Pikatosteak edo ogi birrindua egin ditzakezu aurreko eguneko ogiarekin, edota ogi budina.
2) Ez utzi fruta helduegia alferrik galtzen! Egin etxeko marmelada edo kongelatu gero irabiaki edo labean erabiltzeko.
3) Askatu zure sormena zure sukaldeko barazkiekin, soberan dituzun hondarrekin eta urarekin barazki-salda eginez.

Gainera, Elika Fundazioaren eta elikagaiak xahutzearen aurkako Euskadiko plataformaren eskutik, bideo-aholku batzuk eskaintzen dizkizugu Javier Rivero sukaldariaren eskutik. Javier Rivero Tolosako AMA jatetxeko sukaldaria da, eta duela gutxi 50 Next zerrendan dago munduko gastronomiaren promesarik garrantzitsuenetako bat.
Esteka honetan ikus dezakezu.