Hazi berdintasunean, aldatu gure ingurua

Askotan pentsatzen dugu aldaketa handiak egiteko mundua aldatu behar dela… baina, zer gertatzen da gure inguruko errealitatearekin? 🌍 Edukazioa eta berdintasuna eskutik doaz, eta gizarte bidezkoago bat eraikitzeko lehen pausoa gure egunerokotasunean eta ingurune hurbilenean hasten da: ikastolan bertan.

Hori da, hain zuzen, Haregin taldearen lana. DBHko eta Batxilergoko ikasleek osatutako talde honek urteak daramatza Lauaxetan berdintasunaren aldeko lan aktiboa egiten. 💪💜

📣 Haregin taldeak:

• Gure ikastolako berdintasun-eredua eraikitzen laguntzen du,
• Ekintza, dinamika eta sentsibilizazio-kanpainak diseinatu eta gauzatzen ditu,
• Eta, batez ere, beste ikasle, irakasle eta familiei ere aldaketa positibo honetan parte hartzera gonbidatzen die.

Eta gaur, gure esker ona adierazi nahi diegu urte hauetan guztietan taldearen bihotzean egon diren hiru ikasleri. Batxilergoa amaitu eta ikastolatik aterako dira, baina beraien arrastoa eta ekarpena gure artean geratuko dira:

🎉 Nahia Iragorri, Maialen Vegas eta Naroa Brazalez, eskerrik asko zuen konpromiso, energia eta lanagatik.