Oraingo honetan, euren berezko ekimena erakutsiz ikasturtean zehar hainbat mural artistikoren bitartez txunditu gaituen 4 ikaslegaz egon nahi izan dogu. Orainarte euren lanak blogean edota ikastolan ikusi ez badozuez, albiste honetan amaieran aurkituko dozun galeria bisitatzera gonbidatzen zaiutugu, euren lanak ezagutzeko.

Aiala Moreno, Maialen Junquera, Alaitz González, LH 5. mailakoak eta Hugo Moreno, LH 2. mailako ikasleak dira.

Nondik sortu jatzue mural artistiko honeek egiteko ideia?
Guztiak dagoz mundo mailako egun esanguratsu edo gai bateri lotuta eta ikastolan landu ondoren mural bat egitea pentsatu dogu kasu denetan: bardintasunaren alde, emakumeenganako indarkeriaren aurka, ingurugiroaren alde, euskararen alde, liburuen egunari lotuta, Gabonei lotuta, …

Eta zein da, zehazki, zuen helburua?
Alde batetik ondo pasatzea, eskulanak egiten gustatzen jakulako eta beste alde batetik irudi baten bitartez gai baten inguruan kontzientziatzea.

Eta zelan antolatzen zarie mural bakoitza egiterakoan?
Gai horreri lotuta Informazioa bilatzen dogu eta gero muralean zelan ipini pentsatzen dogu guztion artean eta gurasoen laguntzagaz. Asteburuetan egiten dogu, aitaren pabiloiean eta 3 edo emoten doguz lanean.

Eta zer ikasten dozue mural honeek egiterako orduan?
Ba gehien bat Informazioa bilatzen, esku lanak egiten, sortzen jakuzan arazoak edo zailtasunei aurre egiten, … Adibidez Gabonetako muralak argiak eta guzti eukazan eta hor arazo bat euki gendun baina konpondu gendun azkenean.

Eta, etorkizunari begira, beste muralen bat daukazue buruan?

Bai, bat bardintasunaren inguruan izango da, eta beste bat ezin dogu esan, sorpresa izan da!

Aiala, Maialen, Alaitz eta Hugo, etorkizunean irakaslea, moda diseinatzailea, albaitaria… izango ei doguz. Dana dalakoa izanda ere, sormena, ekimena… eta edozein lanetan baliagarriak izango  jakezan hainbat konpetentzia erakusten deuskuez euren mural bakoitzean.

Eskerrik asko, artistak eta aurrera!

Euren lanak ezagutzeko jakinmina piztu badeutsugu, ondoko loturan klikatzea baino ez daukazu. Beti ere, aurrez-aurre muralak eskaintzen dauzan detaile eta aberastasuna, argazki batetan isladatzea ezinezkoa dala jakinaz.