Bigarren bizitzadun jostailuak: gaur Kooperara entregatu ditugu

🎁🤝 Duela aste batzuk, gure komunitateak beste behin ere elkartasuna eta konpromiso soziala erakutsi zituen Jostailu Azoka Solidarioan, ikasle, familia eta hezitzaileen parte-hartzearekin. Ekimen horrek balio garrantzitsuak jarri zituen erdigunean: eskuzabaltasuna, enpatia eta partekatzea.

Gaur, ekimen horri jarraipena emanez, azokan saldu gabe geratu ziren jostailuak Kooperari entregatu dizkiogu, jostailu horiek bigarren bizitza bat izan dezaten.

Kooperak gizarteratzea, ekonomia zirkularra eta jasangarritasuna sustatzen ditu, eta jasotzen dituen objektuak —kasu honetan jostailuak— berrerabili eta behar dituzten pertsonengana iristea ahalbidetzen du. Horrela, gure komunitatean sortutako ekimen txiki batek gizartean eragin positiboa izaten jarraitzen du.

Ekintza honekin, ikaskuntza solidarioko proiektu bati amaiera ematen diogu, ikasleei erakutsiz balioek ekintzetan islatzen direnean hartzen dutela benetako zentzua.

Eskerrik asko bihotzez parte hartu duzuen familia, ikasle eta kide guztiei.