Hausnartzea, ekarpenak egitea eta ikastea

Etengabeko ikaskuntza funtsezkoa da hazkunde pertsonalerako eta gure ekarpena hobetzeko, hainbat arlotan, hala nola lan-arloan edo gizarteari oro har egiten diogun ekarpenean. Eta horrela da guztiontzat, ikasleentzat eta helduontzat ere; ildo horretan ere erreferentzia-eredu positiboa eman diezaiekegu gainera.
Garrantzitsua da gure jarduerei buruz hausnartzea, ondorioak atera eta hobekuntzak identifikatzeko, joera berriei buruz ikasteko eta egiten duguna berritzeko. Eta hausnarketa hori modu pertsonalean eta kolektiboan egin daiteke, elkarrengandik ikasiz.
Hori da Lauaxeta Ikastolako Ikaskuntza Komunitateen kasua eta baita parte hartzen dugun kanpoko hitzaldi eta foroen kasua ere.
Joan den astean, Deustuko Unibertsitateko bi forotan izan ginen. Horietako bat hezkuntza-berrikuntzari buruzkoa da, eta bestea hezkuntza-lidergoari buruzkoa. Gure esperientziak partekatuz eta beste esperientzia batzuetatik ikasiz, baita horrek guztiak sortzen dituen gogoetetatik ere.