Saskian 0 produktu daukazu/dituzu.
🌍 Aste honetan, Lauaxeta Ikastola hizkuntzez, kulturez eta gelatik harago doazen esperientziez bete da. Alde batetik, Belgikatik etorritako ikasleak hartu ditugu ilusio handiz; gure egunerokoa partekatzen ari dira, ohiturak ezagutzen eta mundua ulertzeko beste modu bat deskubritzen. Bestetik, gure ikasleetako batzuk Berlinen daude, esperientzia paregabea bizitzen: beste kultura batean murgilduta, hizkuntzak praktikatzen eta errealitate berri bat ezagutzen.
Truke hauek urtero Lauaxetan garatzen ditugun nazioarteko ekimenen parte dira. Ikaskuntza akademikotik harago, gaitasun oso garrantzitsuak lantzen dituzte: autonomia, egokitzeko gaitasuna, kultura arteko komunikazioa eta enpatia. Beste familia batzuekin bizitzea, beste herrialde bateko eskoletan parte hartzea, egoera berriei aurre egitea… guzti horrek ikaskuntza sakona eta esanguratsua dakar.
Ikastea ez baita bakarrik ikastea: bizitzea, partekatzea eta burua irekitzea ere bada. Eta aste honetan, Lauaxetan, inoiz baino gehiago ari gara hori egiten 💙✨
