LXT Zirkoa: kolorea, magia eta poza Lauaxetako Inauterietan

🎪 Lauaxeta Ikastola-n aurten Inauteri berezi-bereziak bizi izan ditugu. Aurtengo gaia LXT Zirkoa izan da, eta gure ikastola zirku handi eta ikusgarri bihurtu da 🎭✨

Ikasleek artista, malabarista, akrobata, pailazo eta pertsonaia harrigarri ugariren azalean jarri dira. Etapa bakoitzak bere mozorroak eta emanaldiak prestatu ditu ilusioz, sormenez eta elkarlanean, eta giroa kolorez, musikaz eta mugimenduz bete da.

Mozorro bakoitzaren atzean lan handia egon da: antolaketa, koordinazioa, sormena eta talde-lana. Ikasleek protagonismo osoa izan dute prozesuan, eta beste behin erakutsi dute ikastea sortzea, irudikatzea eta partekatzea ere badela 🤹‍♀️🎶