Saskian 0 produktu daukazu/dituzu.
Irailarekin batera, mugimendua, topaketak, urduritasuna, besarkadak eta ilusioa itzuli dira Lauaxetara. 🎒✨ 2026-2027 ikasturtea hasi da, eta harekin batera, esperientzia berriz betetako etapa bat.
Ikasturte hasiera bakoitza desberdina da pertsona bakoitzarentzat. Ume batzuentzat ikastolan emango dituzten lehenengo pausoak izango dira; beste ikasle batzuk lagunekin berriz elkartuko dira, irakasle berriak ezagutuko dituzte edo erronka berriei egingo diete aurre. Eta Batxilergoko azken ikasturtea hasten dutenentzat, etapa bereziki esanguratsua izango da, bide berriei ekin aurretik.
Urtebeteko gelatik hasi eta Batxilergora arte, etapa bakoitzak bere erronkak, ikaskuntzak eta emozioak ditu. 🌱 Baina garrantzitsuena da bide hori ez dugula bakarrik egiten.
Familiok, ikasleok eta Lauaxetako profesionalok hezkuntza-komunitate bera osatzen dugu. Pertsona bakoitzari bere erritmoan aurrera egiten laguntzen dion komunitatea, lorpenak ospatuz eta zailtasunetatik ere ikasiz.
Hilabete asko ditugu aurretik ikasteko, partekatzeko, deskubritzeko, huts egiteko, berriro saiatzeko eta hazteko. 🤝
Ongi etorri 2026-2027 ikasturtera! Egin dezagun elkarrekin merezi duen ikasturtea. 💚
