Ikasketaz beteriko urte berri baten alde!

Espero dugu familian Gabon onak gozatu izana. Orain, berriz ere errutinan murgiltzea eta eginbeharrei ekitea dagokigu. Urte hasiera erronka eta helburu berriak finkatzen ditugun garaia izaten da. Eta horrela da gure seme-alabentzat zein helduentzat. Une ezin hobea da zer lortu nahi dugun eta gure seme-alabak nola inspiratu ditzakegun hausnartzeko; izan ere, batzuetan nahi duguna baino kasu gutxiago egiten digutela dirudien arren, beti gara haien erreferentzia-eredua.

Inspirazioa eman diezaiekegu geure helburuak nola markatzen ditugun ikustean, baita guk ere, gure garapen pertsonalari aurre egiten jarraitzen dugula ikustean, eta urteak gehitzen joan arren, beti dauzkagula ikasteko gauzak eta gainditzeko zailtasunak.

Erakuts diezaiegun beti daudela ametsak, eta horien alde ekitea merezi duela. Horiek lortzeko aukera ez dagoela zortearen mende, eguneroko lanaren mende baizik. Egunero perfekzioa lortzeko asmoa alde batera utzita, epe luzegaora begira, gure lorpenetera hurbilduko gaituen ahalegin eta esfortzu sostengarriago bat mantentze dela gakoa.  Eta 2024ko balantzea egiten dugunean, lorpenak ospatzearen eta egindakoarekin pozik egotearen garrantzia erakutsi ahal izango diegu.

Izan dadila 2024 hau erronka gaindituen, maitasun partekatuaren eta etengabeko hazkundearen urtea zuetako bakoitzarentzat. Aurrera!