Urrea Nile eta Alizerentzat L’Atelier Dantza eskolarekin, Euskalduna Jauregian

✨🏆Atzo, Bilboko Euskalduna Jauregian, egun berezia bizi izan zuten dantzaren munduak eta gure komunitateak.

L’Atelier Dantza taldeko bi taldek urrezko domina eskuratu zuten bi kategoria desberdinetan, ahaleginaren, konstantziaren, talde-lanaren eta pasioaren balioa agerian utziz.

Mis Stars taldeak, Alize Andres eta Nile Aspiazu ikasleen parte-hartzearekin, lehen postua lortu zuen bere kategorian. Era berean, BabyStars taldeak ere urrezko domina eskuratu zuen, lehen postua lortuz.

Horrez gain, Mis Stars taldeak eszenaratze onenaren saria ere irabazi zuen; oholtzan egindako lan artistikoari, adierazkortasunari eta indarrari egindako aitortza berezia.

Bakarkako lanean ere izan zen aitortza: Nile Aspiazuk brontzezko domina eskuratu zuen, hirugarren postua lortuz.

Lauaxeta Ikastolatik zorionak eman nahi dizkiegu parte-hartzaile guztiei lortutako emaitza bikainengatik. Horrelako esperientziek Bachillerato Internacional / International Baccalaureate (IB) ereduan hain garrantzitsuak diren balioak ere islatzen dituzte: iraunkortasuna, konfiantza, sormena, adierazpen pertsonala eta konpromisoaren bidez hobetzeko gaitasuna.

Zorionak guztioi! 💫👏