Saskian 0 produktu daukazu/dituzu.
🐣🐾 LH 6ko ikasleek, IB / Nazioarteko Batxilergoaren esparruan, animalien tratu txarren inguruko ikerketa proiektu bat garatu dute, animaliekiko harreman arduratsuagoa, errespetuzkoagoa eta enpatikoagoa sustatzeko helburuarekin.
Indagazio unitate honen barruan, Animalien Lagunak erakundeari elkarrizketa egiteko aukera izan dute. Esperientzia horri esker, ikasleek gertutik ezagutu dute animalien babesaren eta ongizatearen alde egiten den lana, galderak prestatu dituzte, informazioa kontrastatu dute eta gure ekintzek beste izaki bizidunengan izan dezaketen eraginaz hausnartu dute.
Eskerrak eman nahi dizkiogu bereziki Enrique Cabiteri, erakutsitako hurbiltasunagatik, eskainitako denboragatik eta ikasleekin izan duen inplikazioagatik. Gainera, txita batzuk oparitu dizkigute, eta proiektu honetan bizitakoaren eta ikasitakoaren sinbolo berezi bihurtu dira. 🐥
Ekimen hau ikasleak prestatzen ari diren etapa amaierako indagazio unitateko erakusketaren parte da. Bertan, ikasitakoa, ondorioak eta proposamenak partekatuko dituzte hezkuntza komunitatearekin.
Horrelako proiektuen bidez, ikasleek IBren gaitasun garrantzitsuak lantzen dituzte: pentsamendu kritikoa, komunikazioa, enpatia, gizartearekiko konpromisoa eta inguruko erronken aurrean modu arduratsuan jarduteko gaitasuna. 🌍✨
