Saskian 0 produktu daukazu/dituzu.
Atzo ikasturte berri bati hasiera eman genion Lauaxetan, eta lehen egunek beti uzten dituzte irudi bereziak: berriz elkartzeko besarkadak, irribarreak, urduritasun apur bat, ilusioa… eta batez ere, elkarrekin egoteko poza. 😊
Goizeko une politenetako bat gure ikasle nagusiek txikienei egindako harrera ikustea izan zen. Eskutik heldu, bidea erakutsi eta gelaraino lagundu zieten, lehen egun hori lasaiago eta atseginago egiteko.
Keinu sinplea dirudi, baina guretzat askoz gehiago esan nahi du. Lauaxetan heztea ez baita soilik ikastea: elkar zaintzen, laguntzen, errespetatzen eta komunitate baten parte izaten ikastea ere bada.
Eta horrela hasi dugu 2026-2027 ikasturtea: elkarrekin, handiek txikiei lagunduz, berriz topo eginez eta aurretik dugun guztiari ilusioz begiratuz.
Bihotz-bihotzez, ongi etorri Lauaxetara eta ikasturte berri on guztioi! 🌱✨
