Ikasturte hasierako familiekin bilerak martxan dira

👨‍👩‍👧‍👦🏫 Ikasturte berriarekin batera, Lauaxetan dagoeneko hasi gara ikasturte hasierako familiekin bilerak egiten. Topaketa hauek maila eta etapa guztietan egingo dira irailean zehar.

Bilera hauek une garrantzitsua dira berriz elkartzeko, informazioa partekatzeko eta ikasturte berriko bidea elkarrekin eraikitzen hasteko. 🤝

Topaketa hauetan, familiek ikasturteko helburu nagusiak, antolaketa, lan egiteko metodologia, aurreikusitako proiektuak eta seme-alaben egunerokoarekin lotutako beste hainbat alderdi ezagutzeko aukera dute.

Baina, batez ere, guretzat funtsezkoa den zerbait indartzeko aukera eskaintzen digute: familien eta ikastolaren arteko elkarlana eta komunikazioa. 💬💙

Hezkuntza talde-lana da. Ikasleak bidelagun ditugun pertsona guztien arteko konfiantza, elkarrizketa eta komunikazio hurbila ezinbestekoak dira haien ongizatea, ikaskuntza eta garapen pertsonala sustatzeko.

📅 Irailean zehar, maila ezberdinetako familiekin bilerak egiten jarraituko dugu.

Eskerrik asko familia guztiei zuen parte-hartzeagatik, konfiantzagatik eta inplikazioagatik! Ongi etorri ikasturte berrira! 🌱